جاى تاية ادور على ميت والى
وشعورى للعيل متولى
كلام يشبة سلاح ماضى
وادينى هتكلم على متولى
ودى حادثة فى العهد الماضى
من مؤلف على الورق ماضى
متولى يقول مبيديش
يا جرجاوى يا جرجاوى يا متولى
والوحدة عالية متعديش
جالو الطلب وخدوة الجيش
يا مه على البلوك قابلو واتو عالم
متولى عجب عسكرى واخر النهار
خدوة على البلوك
يابو زينة عندك فادار بالنار
شوف الفردى لما يتعلم
وخد 6شهور يتعلم
يا جرجاوى يا جرجاوى يا متولى
وشبيبك فى الدار بالنار
وكان فى بلدو شريطين
دا خد شريطة فى ضرب النار
يا جرجاوى يا جرجاوى يا متولى
ناس على رجوليتة شريطين
يا جرجاوى يا جرجاوى يا متولى
وارقى وعلق شريطين
اصل الراجل الخالى مبيتشويش
وفى الطوارق بيت شويش
بالمال اهلو بيكفوة متولى ضربو بكفو
غيتو بالغ بيت شويش
متولى بالغ بيت شويش
وجاتو قرطة من منجابات
تبع اسيوط
فى القرطة عسكرى ماشو بكيفو
بقى زليل ونفسو مكسورة
قالو ازاى بتضربنى يا جبان
روح ادفن نفسك جوة جبانة
ادى صورت اختك جوة جيبى انا
يا جرجاوى يا جرجاوى يا متولى
متولى لما شاف الصورة
قالو مالك بيا يا متولى
وقام سريع راح للكومندان
يقول انا مش باخد العزر والجازة
امانة يا بية ادينى اجازة
انا لو عملت غلط اتجازى
الدنيا دى غرورة لما تولى
يا جرجاوى يا جرجاوى يا متولى
لو كان على قطب و100ولى
قالو يا بية ابويا فى خطر
متولى كان وجية والصورة حلوة
اللى علية يوصى راحلو
طلع تاية يقول جرحى صعيدى
باسبوع مضالو وصرحلو
ركب فى القطر الصعيدى
ومليانة افكارى السعادى
فتحلو الباب يقولو سلامات
ركب فى القطر الصعيدى
والساعة 4وصل بلدو
له عائلة كريمة يقدمو علبتهم
وربطلهم على بيتهم
ويقول دا انا جسمى استوى واتبرى
روح وخبط على بيتهم
ابوة يقول مين اتى برة
كمان تهمونى وغيرى اتبرى
عظامى على بعض سلمت
قالو افتح يابا دا انا متولى
يا جرجاوى يا جرجاوى يا متولى
لية تاركنى ولية سلامات يا متولى
يا جرجاوى يا جرجاوى يا متولى
قالو يابا مش عايز سلامات عايز اعرف
فين اختى شفيقة
قالو يابنى اختك من تانى ليلة يا ابنى
قطع ورقة لاسيوط ونزل
اختك صبحت عليلة وماتت والدوام لله
قالو شفيقة اختك ماتت
قال يابا بنتك لو انتة ربتة
مطرفتش وتاخدت طربتها
قال يابنى اختك من يومك مشت
طيب قوم ورينى طربتها
وسابتنى ولا اختشت
يا جرجاوى يا جرجاوى يا متولى
وابوك عجز وعقلو شت
يا متولى
طلع متولى من البيت زعلان
دا جانا اللى نسى الود خال على قهوة العطيلىدخل
طلع تاية تاية من المنزل
يا جرجاوى يا جرجاوى يا متولى
قالولو رايح فين يا متولى
فى اسيوط قابلوة 3اصحابو
وازور سيدى جلال فى بلاديكم
قال سؤالى لما يروق بالى اديكم
هتبكو والدمع يبل ايدكم
ونزل على الحتة بيهم يقول دا عمى ودا خالى
زوروة سيدى جلال
يا جرجاوى يا جرجاوى يا متولى
يكنش خدو من البك مالك
وقال يا معلم هات كراسى وطلب طلبات لصحابو
وهوة مرضاش يشرب
وياك الكلام اجيبو لك
جة الجرسون يقول وحش فى جبلك
قالو هاتلى شاى الغلب مر
انتة تشرب اية اجيبو لك
قالو يا اخينا داير بكى مالك ما كنت قاعد بكمالك
سمعو المعلم ورحلو المعلم راح لمتولى
قالو يا ريت راح مالى
والحب بهدل كل متين
قالو ياريت راح مالى الموت بقى سترى ورحمالى
وزمانى عكسنى وراح مالى
قالو انتة مؤمن تقى رب ليك
علشان وحدة اسمها شفيقة
اهو دة كللام صاحب المطرح
لو فى الجواب دة تقرا قبليك
لو فى الجواب دة تقرا قبليك
قالو انتة مؤمن تقى رب ليك
انتا زبنها ولا تقربلك
واحد من صحاب اخوها سألها
قالو انا راجل ريس كلا متين
عايز اقابلها فى كلمتين
وفى العزاب قلبى بربية
علشان يأمن بربيه
خدو من ايدو وطلع برة بية
قالو شفيقة على البلكونة دى
وبعت صحابو طلعو المنزل
شاف اختو والعقل منو زلل
تجعل اصحاب اخوها زباين
يا جرجاوى يا جرجاوى يا متولى
شفيقة اقتكرتهم زباين
عايزة تعمل للمسا لمات
وقابلتهم على السلمات
وقالت يا زباين سلامات
بيدور ومشى للى تانى دور
قال انتة جميل وشغلت البال اديك
لو تطلب مال بالى اديك
بس قوليلنا منين اراضيك
قالت انا مسكينة ودمعى بل ايدى
صاحب اخوها عرفها وطار
وسنتين سكنة البيلا دى
وفى الاصل جرجا بلدى
البت كان غايب وليفها
بقى يبكى ويقول يا ستار
وجاب على الوسكى اوتار
شربتو وطلبت مزة جابولها مزة
دى ناس دايرة الدنيا ولفاها
صب اول كاس ولافاها
وتتمحكى وتقولى مكتوبى
كان فى الشارع بياع تين
صب وناولها تانى دور
والكاس التالت صبلها
ترفع العيون وتسبلها
مرضيتش تشرب سبلها
قالولو قوم اقف على قدمك
صحابو سكروها ونزلولو
الحظ اتعدل قدمك
يا جرجاوى يا جرجاوى يا متولى
والسكة فضيت ادامك يا متولى
بسرعة متولى طلع فوق
وشافتو وفاقت من الخمرة
يقول ولا حد معايا متفوق
شوف السكرانة لما تفوق
قال انتو حكومة البر طاب ليكم
قالتلو خدنى واتوب على ايدك
قاللها سا شفيقة بعد اية تتوبى
دى رقعة ماتطلعش من توبى
متولى دا راجل تقيل وساكن
وراة بيبان البيت سكين
اتى بالغضب وفى ايدو السكين
وقال دى لو كان عليلة مين يزورها
يا جرجاوى يا جرجاوى يا متولى
وجة سريع تلف منظرها
وعزل الجتة من ظورها يا متولى
يا ناس وسعولى سكة انتو
وطلع البلكونة بسكنتو يقول
جرحى فى قلبى سكنتو
اقطعو يا بية ولا اخلية
لاقى الحكومة تحت البيت
يقلولو انزل وتعالى
وانا من فوق ما اطب ليكم
الله اما جانى طبليكم
هاودوة وجابولو الطبل ونزل
بعد ماتلف المنزل
شال العار وكلام العزال متولى
يا جرجاوى يا جرجاوى يا متولى
وقف قدامو قالو بتموت شفيقة لية يا متولى
بسرعة حددولو جلستو ندة القاضى
وحدانا شجرة وفيها فرع مال
قالو يا بية انا دمى فار زى العمال
ومع اسود عمل الفار عمل
كان القاضى اسمو حسن
مفيش غيرى لاعم ولا خال لية
اشرب المرار دة والخل لية
1البلوك ---- دا مكان تجميع العساكر التمن اوبلغتنا الان القسم
راجل عندو فضل واحسان
قالو صراحة قطعو احسن
يا جرجاوى يا جرجاوى يا متولى
يا متولى
ابدا مفيش شئ عليك
اصل انتة شريف وعملك شئ يعليك
وخدهم سجنو رد للجيش
غير 6 شهور اشاعة ليك
بعد ما كان دمعو يبل ايدو
يا جرجاوى يا جرجاوى يا متولى
قالو دا اللى شغل البال ادوة
صراحة شرف بلدو
يا جرجاوى
11 زى العمال ---- اي دمي يغلي كغليان الماء في القطار البخاري (تصحيح المعنى من الاخ على77
شرح بعض كلمات اللهجه الصعيدى
2قرطة ---- دى معناها كتيبة جديدة
3يقدمو علبتهم ---- يعنى يقدمو اغلى ما عندهم دليل الكرم
4قطع ورقة ---- يعنى حجز تزكرة
5داير بكا ---- عمال يعيط
6ريس كلل متين ---- يعنى المتنى اللى هوة الدراع يعنى تعب كلل
7الويسكى اوتار ---- يعنى جاب مزيكا اوتار نغم يعنى
8تتمحكى ---- تتمسكنى
10اطب ليكم ---- يعنى انزل لكم
9عزل الجتة من ظورها ---- يعنى دبحها من الخلف
ليست هناك تعليقات:
إرسال تعليق