طبعا اي حد جربه عارف كويس بنتكلم على ايه
في الدغري كده وجع بيخليك تكلبش في الارض و تلف حوالين نفسك
اما اللى موش عارفين الوجع فهو ببساطة نقس احساس ان قطر خبط في جوانبك الاتنين
سيبنا بقى من الهري ده
و خلونا في المهم
نتعاملوا معاه ازاي ؟؟
طبعا اول حاجة استشارة الطبيب اساسي
احنا بس هنحط زى مبادئ كده تفهمنا الدنيا بتمشي ازاي في الموضوع ده
اول حاجة الوقاية خير من العلاج
فلو انتا من النوع اللى بيجيلوا حصوات بشكلل متكرر
ابسط حاجة و اهم حاجة هى المية
اشرب مية كتيرة جدا كل يوم
و كتير هنا يعني اشرب و انتا موش عطشان
يعنى اتنين تلاتة اربعة لتر في اليوم
:)
ده ما بيديش فرصة للحصوات انها تتكون اصلا
طيب ماذا و انه خلاص بقى فيه حصوة
ايه النظام ؟
اول حاجة هناخد الشيئ المعفن المدعو مية الشعير
دي بصراحة طعمها قمئ جدا جدا
بعد كده هنبتدى العلاج اللي بيكون كالتالي
سيستون اقراص
ده دوا شغلته انه يحاول يدوب الحصوة
بس هي ارزاق
فيه ناس الحصوة بتدوب و ناس تانية لأ
و فيه ناس تانية بتاخد السيستون كوقاية من الموضوع
بعد كده بندى رواتينكس او بيليكول او اشباههم
و دول لحد ما بيظبطوا الدنيا في قصص المسالك البولية و الكلى
اخر حاجة علشان الصديد اللي سببه الحصوة عادة الطبيب بيتكب مضاد حيوى
بس كقاعدة عامة
طول ما فيه حصوة فيه التهاب يبقى فيه صديد
:)
و طبعا الشافى هو الله
ليست هناك تعليقات:
إرسال تعليق